Саранскоесь- «Трудонь доблестень ош!»

Россиянь Президентэсь макссь Саранскоентень «Трудонь доблестень ош» почетонь лем. Владимир Путин тешкстась масторонь оштненень «Трудонь доблестень Ош» лементь максомадо Указ. 1941-1945 иетнень Ине Отечественной войнасо Изнямонть топавтомантень эрицятнень покш путовксост кисэ «Трудонь доблестень Ош» почетонь лемесь максозь Саранскоентень. Мордовиянь прявт ошдонть башка те лемесь максозь Россиянь эрьва кодамо регионсто эштё 11 оштненень.«Трудонь доблестень ош» лемесь кемекстазель 2020 иестэ. Сон максозь 70 эрямо таркатненень.Мордовиясь свал аштесь каштанчисэ сетнень кувалма, кить Ине Отечественной войнань иетнестэ важодсть Изнямонь Чинть малавгавтомга. Ней тылэнь важодицятнень ине тевест пингеде пингес ванстови «Трудонь доблестень ош» почетонь лемсэнть, конань Саранскоесь карми кандомо покш каштанчи марто