«Земский доктор» программась Мордовияса

Атяшевскяй больницяса ушедсть работама од специалисттне-терапевтсь Татьяна Барашкова и стоматологсь Матвей Бурмистров. Синь састь тяза «Земский доктор» программать коряс, кона ётафтови эряфс «Продолжительная и активная жизнь»нацпроектть видеса. Татьяна пчкафты Атяшева посёлкань поликлиникаса и фалу уленди велетнень эса. Матвей башка мяль шарфни кургопотмонь урмань пчкафтоманди. Лятфтасаськ, тя аф васенце программань участникне районца: кизода инголе тяса ушедсь покодема терапевтсь Дарья Картышкина.