Саранскойсэ ванкшнызь общественной транспортонть важодеманзо.

Саранскойсэ ванкшнызь общественной транспортонть важодеманзо. Пшкадематнень ютксо, конатнень тешкстыть региононь управлениянь куншкакуросо, вастневить ошонь общественной транспортонть лангс пеняцямотне. Весе пшкадематне ванкшновить мэриянть ды «Горэлектротрансонть» марто вейсэ. Стакачитнеде, конатне вешить зярыя ёнксонь витема, пачтяви региононь Прявтонтень промкстнэсэ.  Транспортонть марто сюлмавозь тевтнень витемга, республикань Правительствась кемекстась мель явомс Саранскоень Администрациянтень лезкс техникань одкстомтомасо. Медьковсто ошонь маршрутнэс листь 12 од автобуст. Сынст важодемаст ванкшномга маршруттнэва ардсь специальной комиссия. Весе автобустнэ алкинеть ды теезь маломобильной пассажиртнэнь туртов, улить кондиционерт ды ардомань кис пандомань безналичной система. Истя жо нолдави тевс «Кортыця ош» механизмась. Сон лезды а неиця ды беряньстэ неиця ардыцятненень эстест ардомс транспортсо ошка.