«Земский учитель» программась Мордовияса

Мордовиянь школатнень эса ушедсть работама ниле од учительхть. Синь сяськсть «Земский учитель» программань кочкамаса. Тя программась лезды тернемс тонафтыхнень школав и тяни моли «Молодежь и дети» нацпроектть мяльса кирдезь. Од тонафтыхнень эзда фкясь — Евгения Меринова, сон вяти англань кяль Рузаевкань 9 № школаса. Сон виденцяй, што аф ламода таколды кода аньцек ушеткшни учитель, но анок тонафнемс и касомс учениконзон мархта.