Мордовиянь Прявтось ютавтсь вастовома боксонь Раськеютконь ассоциациянь (IBA) президентэнть марто

Мордовиянь прявтось Артём Здунов таштамковонь 4-це чистэ ютавтсь вастовома боксонь Раськеютконь ассоциациянь (IBA) президентэнть, Россиянь спортонь бороцямонь Федерациянь попечительской советэнь ды наблюдательной советэнь председателенть Умар Кремлёв марто.

«Сюкпря, муиде возможность самс минек республикав. Ёвтан сюкпря Саранскойсэ боксонь коряс масторонь прявт чемпионатонть ютавтоманзо кисэ. Минек туртов те покш честь ды покш эскелькс боксонь виевгавтомасонть, – тешкстызе Артём Здунов. — Куш кодамо чемпионатто мейле кадови наследиясь, истя жо аволь материальной: спортонтень сакшныть ламо од эйкакшт. Секскак ней миненек эряви анокстамс тренерт ды спортонь площадкат».

«Неян, кода Мордовиясь касы-кепети, поладсынек вейсэнь важодеманть, седе товгак карматано ютавтомо турнирт ды лездамо спортонь залтнэнь пештямосо.  Невтевкстнэ Мордовиясо свал вадрят», — мерсь Умар Кремлев.

Минек республикась ловови масторонь бороцямонь сехте виев регионтнэстэ вейкекс. Мордовиясь кастынзе Олимпийской налксематнень, масторлангонь чемпионаттнэнь изницятнень ды призертнэнь, спортсментнэнь аволь вейке поколениянть, конат вадрясто невтизь Россиянть раськеютконь аренасонть. Вастовомасонть кортасть спортонь те видэнть туртов инфраструктурань одкстомтомадонть. Умар Кремлев кемекстызе анокчинзэ кирдемс республиканть те ёнкссонтькак.

«Мордовиясь-спортонь регион. Тесэ важоди виев команда марто сехте вадря губернатортнэстэ вейкесь. Кеман, тесэ ютавтсынек бороцямонь коряс Россиянь чемпионатонть»,– мерсь сон.