Саранскойсэ ушодсызь китнень лангсо латкотнень витнемаст

Мордовиянь Прявтонть Артём Здуновонь кармавтоманзо коряс МР-нь Правительствань Председателень тевтнень топавтыцясь Батыр Эмеев кармавтсь китнень лангсо важодиця подрядной организациятнень представительтненень – шкань апак ёмавтне ушодомс Саранск ошонь округсо китнень лангсо латкотнень витнеманть.

Васняяк, кочкасызь сехте зыянов таркатнень ды витнесызь латкотнень. Таргонь ютазь мереви ветямс витнеманть яжазь асфальтонь пелькстнэнь керямонть марто. Ковонть пес, зярдо нолдави весе тевесь, мереви ютавтомс покш витнеманть.
Истя, ошсонть васняяк витневить прявт китне: Полежаевень, Ботевградской, Пролетарской, Серовонь, Титовонь ды Гагаринэнь. Химмашсо — Александровской шоссесь, Северо-восточной шоссесь, истяжо Косаревень, Севастопольской ды Волгоградской куротне. Ошонь юго-западонь пелькссэнть важодематне ушодовить Осипенко, Ленинэнь, Пионерской, Ульяновонь, Энгельсэнь куротнесэ, Юго-западонь шоссесэнть ды Октябрянь 50 иень Проспектсэнть. Светотехстройсэ, васняяк, витнесызь Металлургтнэнь, Лодыгинэнь ды Веселовскоень куротнень, истяжо Октябрянь 60 иетнень проспектэнть, Лямбирской шоссэнть.

Промкссонть истяжо кортасть водоотведениянть марто сюлмавозь стакачитнеде. Ташто лисьмапрятнень ды водоотведениянть марто сюлмавозь тевтнень витнемась лезды редявикстэ полавтомс тевтнень китнень лангсо. Тешкстазель, бути ушодомс лисьмапрятнень витнеме тедеде, 5 иетнень ютазь сынст марто стакачить а кармить. А карми эрьва тунда китнень истямо каладома.