Саранскоень куншкакуросо панжовсь Донбассонь ванстыцятнень скверэсь
Опубликовано Вайгель - 08.11.2022
Специальной военной операциянь откертнень, Донбассонь эрицятнень, ветеранонь, од ломанень ды общественной организациятнень, правань ванстомань блоконть марто вейсэ тосо ульнесь Мордовия Республикань Прявтось Артём Здунов ды Россиянь Федерациянь Федеральной Собраниянь Государственной Думань депутатось, Государственной Думань аграрной кевкстематнень коряс комитетэнь председателень полавтыцясь Юлия Оглоблина. Од скверэсь ашти Б. Хмельницкоень куросонть – Ботевградской ды Степан Разинэнь куротнень ютксо. Яволявтозь тарканть мазылгавтомась-вадрялгавтомась топавтозь «Формирование комфортной городской среды» федеральной проектэнть лувсо, Мордовиянь пельде Госдумань депутатонть, Госдумань безопасностень ды коррупциянь а нолдамонь коряс комитетэнь председателенть Василий Пискаревонь лезксэнзэ вельде.
Скверэнть панжомсто покш награда максозь минек земляконтень, младшей сержантонтень Дмитрий Аверкиннэнь – Президентэнть указонзо коряс сон казезь «За отвагу» медальсэ. Теде икеле истямо жо награда максозеь рядовоентень Андрей Клемашовнень.
Отечествань ванстомань коряс специальной военной операциясонть маштовозь воинтнэнь ледстнемга скверсэнть стявтови «Державная» пазавань часовня.
