Мордовиясо кавто чинь перть юты финнэнь-угрань раськетнень интеллектуальной шкинемань фестивалесь

Сундерьковонь 10-це чистэ эрзянь-мокшонь раськень драмань театрасо панжовсь финнэнь-угрань раськетнень интеллектуальной шкинемань регионъютконь фестивалесь. Тезэнь пурнавсть вейс Россиянь региононь финнэнь-угрань ды самодийской раськетнень представительть, конат сёрмадыть рузонь кельс ютавтовкс марто тиринь кельсэ произведеният. Фестивалень прявт путовкстнэ – Россиянь раськетнень этнокультурной, духовной ды интеллектуальной касомаст кепетемась ды ёроков сёрмадыцятнень лангс ливтемась. Программасонть: Россиясо тиринь кельсэ сёрмадыцянь кадратнень анокстамодо кортамо, валморонь ды прозань шкинемань коряс мастер-класст, од сёрмадыцятнень туртов семинарт ды ламо мезе лия.