Саран ошсо панжовсь «Искусство Палеха» лем марто од невтема.

Сон важоди  чадыковонь 7-це чистэ саезь С.Д. Эрьзя лемсэ изобразительной искусствань музейсэ. Весемезэ экспозициянтень совавтозь малав 100 важодемат, конатнень топавтызь од ды содавикс артыцятне. Тесэ- пазават, панно, конат мазылгавтозь сюпав артовкссо ды тюссо. Палех- те кезэрень веле Ивановской областьстэ, косо зярыя сядо иень перть эрицятне сёрмалесть  Пазават. Сынь явовить лиятнень эйстэ шожда валдо тюстнэсэ ды чевте кикстнэсэ. Арсематнень коряс, пазаватнень сёрмадомо Палехсэ кармасть XVI-XVII-це пингестэ. Меельце комсь иетнень перть Россиянь артыцятнень Палехской вейсэндявксось ютавсть весероссиянь, раськеютконь ды регионъютконь выставкань невтемат- Государственной Третьяковской галереясо, Москов ошонь артыцянь куншкакуронь кудосо ды Россиянь ламо оштнэсэ.