Саранскяйса няфти концерт Мариинскяй Симфоническяй оркестрась

3 майста И.М.Яушевонь лемса Музыкальнай театрать сценасонза ётай благотворительнай концерт. Кармай морама Мариинскяй театрань Симфоническяй оркестрась, конань вятьсы Валерий Гергиев.
Содаф коллективсь 18 апрельста сявомок 9 майс вяти гастрольнай тур эрь кодама регионга. Концерттне лемдевихть эрь кизонь Очижинь фестивальти.
Саранскяйса нилецеда ни ётай тя оцю культурнай проектсь, кона вятеви Москунь и сембе Русень Кирилл Патриархть Благословениянц вельде. Лезды тя тевса Россиянь культурань министерствась и Москунь Правительствась.
Благотворительнай концертти питнефтома пригласительнайхть получайхть асу студентне и профильнай тонафнема вастонь ученикне. Тяфта же ся ломаттне, конат састь ДНР-ста и ЛНР-ста. Мзярошка билет кармай театрать кассасонза.