Мордовиясо ушодовсь тундонь чадыведесь!
Опубликовано Вайгель - 06.04.2022
Те шкане солазь ловонть эйстэ ведесь ваявтсь республикань буетнева зярыя сэдть. Кода яволявты Республика Мордовиянь МЧС-сось, течинь чис веденть алов понгсь Кадошкинань Покш Поляны велесэ Исса леенть трокс сэдесь. Ардомась ды якамось те сэдьганть неень шкане лоткавтозь. Кудотне веденть алов а понгить. Ломантне ютнить леенть трокс понгавтозь сэдьганть. Оштё вейке алкине ведень сэдесь понгсь веденть алов Ромодановской буень Курган велесэ. Ломантненень ды ардомапельтненень мереви ютамс те тарканть вакска кива: Ромоданово-Курилово-Курган маршрутканть. Истяжо веденть алов понгсь Зубово-Полянань Киселевка велень сэдесь Вад леенть трокс. Тесэ важоди венчсэ ютавтомась, секс мекс вакска ютамонь кить тесэ арасть. Мордовиянь МЧС-сось тешкстась зярыя мероприятият, конат алтазь чадыведень а нолдамонтень. Важодицятне ютавтнить кортамот эрицятнень марто, кода ванстомс эсь прянть те шкастонть. Сынст мелест коряс, ведь алов понгома стака шкась икеле. Виев чадыведенть пингстэ панжовить эрямонь нурька шкас 126 таркат. Весементь топатвомга анок спасательной техникась. Важидить кавто дронт ды Ан-2 менельвенчесь.
