Республикань Кудосонть кортасть Ташто Шайговань енксонть социально-экономической виевгавтомадо

Умарьковонь 22-це чистэ Артём Здунов вастневсь Ташто Шайговань енксонь руководителенть Геннадий Мухин марто. Кортавсть сюронь пивсэмань прядомань ды муниципальной таркатнень вадрялгавтомань-мазылгавтомань кевкстематне.
Геннадий Мухин пачтясь, сюронь пивсэмась прядовсь 80% седе ламо паксятнесэ. Пурназь 100 тежадо ламо тоннат – те рекордонь невтевкс райононть туртов. Уш ней велень хозяйствань предприятиятне кундасть сексень видемантень.
Истяжо ваннозь строямонь отраслясонть ды китнень хозяйствасонть арсематне. Районсонть улить зярыя велеть, невтемакс Кулдым, косо пштистэ ашти китнень строямонь ды витнемань эрявиксчись.
Мордовиянь Прявтось кирдинзе китнень строямонь коряс арсематнень, истя жо кармавтсь ванномс федеральной программатнес талновтыця объекттнэнь совавтомадо возможностенть.