«ДаньшиноFEST»  фестивалесь полады важодеманзо

Умарьковонь 27-це чистэ «ДаньшиноFEST» историянь ды культурань Весероссиянь фестиваленть лувсо юты  ЭТНО-АРТ-ШОУ — мокшонь ды эрзянь оршамонь невтема «ДаншиноFashion-2022».  Неень шкане те чинтень анокстазь мельстуиця программма. Ушодови весемесь 11 чассто. Пурнави «III-XX пингень Пенза ёнксонь мокшэрзянь раське. Археология ды этнография» лемсэ невтема. Анокстыцязо Пензань краеведениянь музеесь. Истяжо карми важодеме «Даньшино-территория возрождения» Россиянь артыцянь Союзс ды журналистэнь Союзс совицянть, Борис Тишулинэнь, фотоневтемазо. 15  чассто прявт сценанть лангсо мокшэрзянь раськень оршамопелень, мазыйстэ якамонь весероссиянь невтеманть официальной панжомазо. Теде мейле инжетнень кенярдовтсызь содавикс вейспурнавксстнэ. Карми морамо Сыре Теризморга велень раськень хорось, «Торама» Владимир Ромашкинэнь лемсэ фольклоронь ансамблясь, морамонь да киштемань Мордовиянь государственной ансамблясь»Умарина», «МАРИВАННА» фолк-группась невти «ПроЧувство» спектакля-концерт. 18  чассто 20 минутасто ушодови ЭТНО-АРТ-ШОУ «ДаншиноFashion-2022» мокшонь ды эрзянь оршамонь невтемань прявт пельксэсь. Тесэ карми «ВАРМА» ЭТНО-АРТ-ТЕАТРАСЬ ды «МАСТОРАВА» мазыйстэ якамонь театрась, невтевить коллекциятне. Прядови весемесь Этно-дискатекасо, конась ушодови 20 чассто.