Мордовиясо максозь ушодкс видестэ ярсамонь кирдеманть весероссиянь движениянтень

Опубликовано - 23.08.2022

Саранскойсэ ютась эйкакштнень андомань кевкстематнень коряс весероссиянь тетятнень-аватнень II форумось. Мероприятиясь пурнавкшнось  «Тавла» тонавтнемань куншкакуросонть – 17 № школасонть. Тедеде форумось ютась «Здоровое питание в школе и дома» девизэнть коряс. Те кевкстеманть кортамонтень вейсэндявсть 80 регионт – очна ды видеосвязенть вельде. Тетятне-аватне, эксперттнэ, тонавтыцятне, общественной организациятнес совицятне – форумсонть весе евтызь мелест-арсемаст.                                           Форумонь важодемасонть ульнесть Мордовиянь Прявтось Артём Здунов, Госдумань депутатось, ГД-нь семиянь, аватнень ды эйкакштнень кевкстематнень коряс комитетэнь председателень васенце полавтыцясь Татьяна Буцкая, РФ-нь просвещениянь министрань полавтыцясь Андрей Николаев, Россиянь образованиянь академиянь президентэнь полавтыцясь Геннадий Онищенко, Весероссиянь народной фронтонь Расследованиянь бюронь руководителесь Валерий Алексеев, Отраслевой ярсамонь институтонь президентэсь Владимир Чернигов ды ламо лия профессиональной экспертт.                                                                                                                                                                                                                            Кортасть, кода ладямс школатнесэ эйкакштнень андомаст коряс тетятнень-аватнень ванноманть, кода бороцямс столовойтнесэ кельме ярсамопеленть марто, регионтнэнь кона практикатнень ламолгавтомс.                                                                                                                                                                                                                                                                                                  Форумонь пелькстамонь площадкатнесэ евтазельть ламо мельть-арсемат, конат токшить школасо ды обществасо шумбрасто андомань кевкстеманть. Топавтомс сынст эрямос – государстванть ды тетятнень-аватнень тевесь. Весе састь мелентень: бути те кевкстемасонть кундамс кедьте – весемесь лиси. Эйкакштнень андомань кевкстематнень коряс весероссиянь тетятнень-аватнень омбоце форумось кемекстызе: важодемась ансяк ушодови, те кевкстемантень государствась ды общественностесь кундыть алкуксокс.


Вайгель эфир по будням: с 7.00 до 7.30 – на эрзянском языке, с 7.30 до 8.00 – на мокшанском языке

Current track

Title

Artist