«Раськень моронь декаданть» лувсо Мордовиясо юты «Мокшасто Сурас» регионъютконь фестиваль

Сундерьковсто Россиясо ушодови «Раськень моронь декада» весероссиянь акциясь, конась алтави Россиянь Раськетнень искусствань ды  культурань тевкадовкстнэнь иентень. Сонзэ лувсо Россиянь региотнэсэ ютавтовить морамонь фестивальть. Панжсы раськень моронь декаданть Мордовия Республикась. «Мокшасто Сурас» фестиваленть теицятне  — Россиянь Федерациянь культурань министерствась, раськень шкинемань Россиянь Государственной Кудось, МР-нь культурань, раськень политикань ды архивень тевень министерствась, Мордовиянь раськень шкинемань кудось. Ютавтома таркакс кочказь Саранск ошось, Сыре Шайговань ды Покш Березникень буетне.
Фестивалень программасонть раськень моронь декаданть панжомась, пелькстамонь моротнень кунсоломась, ютавтови шкинемань коллективтнень прявттнэнь туртов тонавтомань лаборатория ды раськень морамонть коряс мастер-класст.  Фестивальсэнть пелькстыть аволь профессионалонь коллективть ды башка морыцят 18 иестэ саезь 60 иес. Пелькстамонь ванномась ютавтови колмо номинациява: фольклоронь морокуро, раськень моронь ансамбля, башка морамо. Сундерьковонь 11-це чистэ 17:00 чассто Саранскоень Л. П. Кирюков лемсэ музыкальной училищасо юты гала-концертэсь ды пелькстыцятнень каземась.