Мордовиянь од музейщикне примайхть участия марнек Россиянь съездса Москунь Сяськомань музейса

27 и 28 октябрьста Мордовиянь музейнай активисттне няфтьсазь эсь маштомашиснон Москуса. Тоса, Сяськомань музейса, ётафтови «Культурный маршрут» школьнай музеень марнек Россиянь Съезд.
Спикеркс арайхть Россиянь просвещениянь, культурань Министерстватнень представительсна, Российскяй военно-историческяй обществань представительхне, музеень оцюнятне и специалисттне и лия эксперттне.
Мордовить эзда эсь тевснон Москуса няфтьсазь видеоэкскурсиянь марнек Россиянь конкурсонь сяськихне, Саранск ошень 11№ школань тонафнихне и тонафтыхне.
Съездса стане жа примайхть участия Россиянь 50 субъектста и Беларусь Республикаста школьнай музеень активисттне и педагокне. Шумордамстонза, 28 октябрьста, казьсазь инь цебярь проекттнень.