Саранскяи сай Великай Устюгста Якшам Атясь

22 октябрьста Якшам Атясь атясь ушедозе поездса Россиять пачк путешествиянц — Великай Устюгста Владивостоку и меки.
Мордовиять пряошезонза, Саранскяи, ёфксонь поездсь пачкоди 12 декабрьста. Эсонза инжихнень учи квест, конань лемоц «Ёфксонь веле». Шабанятне и оцюфне ванцазь Якшам Атять резиденциянц и корхтайхть мархтонза. А «Бабушка Зима» вагон-буфетть эса инжихнень учи ламбама казне и чай.
Билеттнень рамамс ули кода РЖД-ть сайтса ноябрть кучкаста сявомок. Идень билетть питнец 1950 цалковай. А кда шабась сай оцювонь мархта, эста марстонь питнесь кафттненди ули 2450 цалковай.
Ули кода сувамс поезтти и питнефтома, программафтома. Сембе ломаттненди панжада фото-купе мархта вагонць-лавкась, вагонць-ресторанць. Тоса мишендевихть Якшам Атять эзда казнет, Великай Устюгста и Кастромаста лятфнембяленди паршихть. А кинь ули мялец — кучи Якшам Атяти или ялганзонды, мала ломанензонды открытка Россиянь любой уженяти.