Православнойтне тешкстыть Эрьбань чинть

Пазос кемиця ломантнень течи покш кеняркс – Эрьбань недлячи эли, кода видестэ меремс, Пазонть совамозо Иерусалимс. Покшчись свал эрсекшни Ине постонть шкасто, Инечиденть икеле меельце недлячистэнть. Кавто тежадо ламо иеть  ютась се шкастонть, зярдо эрямо пингстэнзэ Иисус Христос ишем лангсо совась Иерусалимень масторонтень. Тосо эрицятне вастызь Пазонть пальмань тарадт марто. Минек ёнкстнесэ сынст полавтызь Эрьбанть лангс.