Сергей Емелин омбоцеде кармась Европань чемпионокс

Опубликовано - 26.04.2021

Варшавасо  ютась грекень-римень тюреманть коряс чемпионатось. Мордовиянь спортсменэсь Сергей Емелин тагояк парсте невтизе прянзо ды кармась сехте виевекс.

Пелькстамотнень меельце эскелькссэнть сон бороцясь Турциянь спортсменэнть марто – Керим Камалонь. Цётамосо, Емелин кирдсь изнямо 4-1 ловоманть марто.

Эряви тешкстамс, Турциянь  спортсменэсь – ськамонзо, кинень Емелинэнь марто бороцямосо саевсь куш 1 балл.  Тенде икеле, Сергеень марто тюрематнесэ, кияк спортсментнэнь эйстэ эзть пурна вейкеяк балл. Лия бороцямотнесэ Сергей кирдсь изнямо 9-0, 8-0 ды таго весть 9-0 ловоматнень марто.


Вайгель эфир по будням: с 7.00 до 7.30 – на эрзянском языке, с 7.30 до 8.00 – на мокшанском языке

Current track

Title

Artist