Мордовиясо юты «ОК: огарёвский колорит» национальной культуратнень региононь фестивалесь

Н. П. Огаревонь лемсэ университетсэ внеучебной важодеманть коряс управлениянь прявтось Алина Грошева кармась изницякс од ломанень проекттнэнь ютксо Весероссиянь пелькстамосо. Сон ютась «Территория смыслов» Весероссиянь форумонть потсо.

Алина получась 720 целковойть покшолмасо грант «Региональный фестиваль национальных культур «ОК: огарёвский колорит» проектэнть топавтоманзо лангс.

Проектэсь алтазь теемс ды кемекстамс сюлмавоматнень эрьва кодамо национальностень студенттнэнь ютксо, конат тонавтнить Мордовиянь вузтнесэ.

Сынст туртов те иень умарьковсто-ацамковсто самай ютыяк национальной культуратнень региононь фестивалесь. Сонзэ программас совить омбо масторонь студенттнэнь туртов тонадомань курс, рузонь кельга олимпиада, «Кубок Наций» спортонь турнир, «Что? Где? Когда?» содамочинь налксемась, «Культура мордвы в культурах народов России и мира» конференциясь.

Пекстави фестивалесь студенттнэнь раськеютконь чинтень алтазь мероприятиясо.

Фото: vestnikrm