Рузаевкаса паркть петьсазь 1 сентябрти
Опубликовано Вайгель - 22.07.2021
Тянь колга азозь ошень администрацияса. Тя пингть Рузаевка эряйхнень кельгома вастснон лангса тефне молихть сембе вийса. Строяхне надияфтыхть кенеремс пингозонза.
А васенце августти Химмаш Микрорайонца Менделеева ульцяса эвондай Машиностроителень аллея. «Тя колмоце объектсь ошса, кона петьф «Формирование комфортной городской среды» программать видеса», — корхтайхть администрацияса.
Малацекс пингть железнодорожниконь ошсь ламода полафты цебярь шири.
