Мордовиянь оцюнясь мярьгсь шарфтомс башка мяль ведень пачфтемать лангс

Мордовиянь оцюнять тевонзон тииец Артём Здунов шарфтсь мяль ведень пачфтемань кизефкснень лангс. Аймаконь управлениянь центраса азозь, кизонь псить инкса ведсь пачкотькшни Мордовиянь аф сембе куттненди. Ломаттне частнай кудста и лама этажса куттнень эзда пцтай сембе аймакста пеняцясть тянь лангс ётай ваймама шитнень. А ЖКХ-сь валснонды позда шарфнесь мяль, а кой-коста ёфси мезевок ашезь тие.
Тяфтама ситуация кепотьксонди лиссь Лямбирень аймакса, коса Берсеневкань эряйхне мзяршка ши лядондсть ведьфтома. Мордовиянь оцюнять тевонзон тииец Артём Здунов ванозе тянь колга кагодть и мярьгсь прябалать урядамс. Ситуациять теенза пачфнемс эрь шиня.