Саранскоень «Меремась» Дагестансо

Тосо Махачкала ошсо юты «Горцы» лем марто XIX-це раськеютконь фестивалесь. Кода тешкстась Дагестанонь культурань министрась — Зарема Бутаева, те иестэнть аштемковонь 28-це чистэ саезь медьковонь 5-це чис молемс Дагестанонь ды Дербентэнь содавикс таркатнесэ эсь ёрокчист невтить 40 шкинемань морокурот Россиясто ды 50 ламо коллективть теке регионстонть. Дистанционной форматсо фестивалентень вейсэндясть Индиянь, Италиянь, Венгриянь, Казахстанонь морыцятне. Ваныцятненень, косо илязт уле, истяжо невтить«Горцы» XIX-це фестиваленть. Эфиртнэ ютыть Дагестанонь Раськень шкинемань кудонь кулялопасо социальной вейспурнакстнэсэ. Фольклоронь ды коень культурань фестиваленть пурнызе-анокстызе Россиянь культурань министерствась, Василий Поленов лемсэ раськень шкинемань кудось, Дагестанонь Прявтонть ды Правительстванть кирдемаст вельде.