Мордовиянь 5 тёжадо ламо ломанть сёрмадсть «Изнямонь Диктант»

Историянь-просвещениянь акциянтень тедеде вейсэндясть 60 омбо масторонь эрицят. Мордовиясо тень туртов анокстазель 165 площадкат. Икельце иестэнть сындест ульнесь 136.

Акциясонть невтизь пряст вузонь ды тонавтнемань средней специальной заведениянь студент, покш классо тонавтницят.

Диктантонь сёрмадомань площадкат ульнесть Войнань ды важодемань подвигень мемориалонь музейсэ, Эрьзянь музейсэ ды Мордовия Республикань пингсэ гуманитарной наукань институтсо.

Васенцеде Диктантонть сёрмадызь Ицял буень «Смольный» национальной парксо ды Зуюова-Полянасо «Zа самбо» федеральной проектэнь активисттнэ.

Прявт площадкакс республикасо омбоцеде кармась И. Д. Воронин лемсэ Краеведениянь музеесь. Тей варчамо эсь вийтнень отечествань историясо сакшность саранскоень кадет, МЧСнь прявт управлениянь ды регионсо МВД-нь важодицятне.