Саранскойсэ ушодовсь Химмашсэ площаденть паролгавтомазо

Гожувская куросо площадесь ды таркась Октябрьской райононь администрациянть икеле мелят совась паролгавтомань коряс пелькстамосо изницятнень юткс. Неень шкасто ушодовсь тарканть анокстамозо: калавтызь сценанть, ютавтыть моданть марто сюлмазь тевть.

Овсе курок тесэ появить якамонь кить, эземть, валдомтомкат, эйкакшонь ды спортонь площадкат. Мазыйгавтсызь территориянть куракшсо ды цецясо.

Одкстомтозь площадесь карми анок кизэнть песэ. Кода тешкстызе ошонь хозяйствань кевкстематнень коряс управлениянь прявтонть васенце полавтыцязо Алексей Матюшин, площадесь карми витневеме эрицятнень мелест лангс нежедезь.