Эйкакшонь музыкань 6-це школасо панжови виртуальной концертэнь нупаль

Тевесь карми топавтозь «Культура» нацпроектэнь «Цифровая культура» проектэнть лувсо.

Концерэнь нупалентень тееманзо-путоманзо туртов карми явозь 600 тёжадо ламо целковойть федерациянь, республикань ды муниципалитетэнь бюджетнестэ.

Нупалентень путыть мультимедийной оборудования ды акустикань виев система. Эйсэнзэ кармить невтеме россиянь ды омбо масторонь морыцятнень концертэст ды проекттнэнь, конат ловозть  эйкакштнэнь лангс.

Панжомс виртуальной концертэнь нупаленть арсить 2024-це иень аштемковсто.

Ледстясынек, Эйкакшонь музыкань 6-це школась ашти Саранскоень октябрьской пелькссэнть. Неень шкасто тосо тонавтнить 600 ламо эйкакшт. Тонавтомась моли кавто направлениява: инструментат ды вокал. Школась теезель 1972-це иестэ. 2011-це иестэ сон витнезель, рамазель од мебель, техника ды музыкань инструментат.