Мордовиясь вейсэнди Велосипедистэнь весероссиянь чинь тешкстамонтень

Велосипедсэ ардомань коряс пелькстамотне ютыть Саранскойсэ панжиковонь 25-це чистэ. Ушодксось ошоь куншкакуросо, Тежаиень площадьсэ.

Эряви меремс, спортонь кенярксось тедеде юты колмоцеде. Эрьва иестэ эйсэнзэ онкстыть виест 200 ламо пелькстыцят, кода покш ломанть, истя вишкинетькак, ды седеяк ламо ваныцят.

Сынст марто вейсэ ардомо велосипедсэ кармить содавикс спорсментнэ, Россиянь сборной командантень совицятне Наталья Суворова, Варвара Овчинникова, Светлана Адмакина, Владислав Неяскин.

Пелькстамотнес эсь прянть сермадстомась ушодови 9.00 чассто.

Велоспортось Мордовиясо ашти башка таркасо. Ловови, самай тестэ саи юронзо ВМХ-спортось Россиясо. Мордовиясо появасть велоспортонь васенце вейсэндявкстнэ ды те спортонть коряс васенце чемпионтнэ. Течи Россиянь пурназь командасо 40% спортсментнэде – Мордовиясто.