Новости

Аштемковонь 22-це чистэ топодить 90 иеть Россиянь культурань заслуженной роботникенть, Мордовиянь наукань заслуженной деятеленть Николай Мокшинэнь чачома чистэнзэ. Сон кассь Горьковской (ней Нижегородской) областень Лукояновской райононь Иванцево велесэ. Лукояновань педучилищадо мейле прядызе Мордовиянь университетэнь историко-филологической факультетэнть, мейле – аспирантуранть. Ды седе тов профессиональной биографиязо сюлмазель Мордовиянь вузонть марто, косо сон ютась ки ассистентстэ саезь профессоронть, […]

Ельники велесэ тееви ине Отечественной войнань земляктнень – участниктнень ледстнемга од мемориал. Кода пачти  Ельникень райононь администрациясь, велень поселениянтень явозь ярмакт, конат лездыть аволь ансяк витнемс маштовозь воинтнэнень кеврунгонть, истя жо стявтомс Ледстнемань Стенанть. Эйсэнзэ пингеде-пингес ванстовить войнань иетнестэ Тиринь Масторонть ванстыця велень эрицятнень лемест.

Мордовиянь театральной деятелень вейсэндявксонь региононь отделениясь ушоды топавтомо лия ёнов а молиця проект — концертэнь цикла Степан Эрьзянь чачома чистэнзэ 150 иетнень топодемантень. Проектэсь изнясь «Семья» национальной проектэнь «Семейные ценности и инфраструктура культуры» федеральной проектэнть лувсо Россиянь культурань фондонь грантонь пелькстамосонть. Проектэнь партнёрокс кармасть Мордовия Республикань артыцянь вейсэндявксось, С.Д. Эрьзя лемсэ Мордовиянь изобразительной искусствань музеесь, […]

46 школат, 12 эйдень кужот ды средней профессиональной образованиянь 9 учрежденият арсеви педе-пев витнемс Мордовиясо 2028 иенть самс «Молодежь и дети» ды «Семья» нацпроекттнэнь лувсо. Теде кортасть МР-нь Прявтонть Артём Здуновонь ды Россиянь просвещениянь министрань полавтыцянть Андрей Николаевень вастовомасонть. Региононь Прявтось тешкстызе, 2022-це иестэнть саезь Мордовиясо витнезь 48 школат, 2 эйдень кужот ды техникум. Одкстомтоманть […]

Мордовиясо топавтови «Международная кооперация и экспорт» национальной проектэсь. 2025 иень невтевкстнэнь коряс регионось целанек прядызе 2.0 Региононь экспортонь стандартонь тевс нолдамонть ды велькска топавтызе вишка ды средней бизнесэнть туртов экспортонь покшолманть коряс аравтлувонть. Тедеде важодемань прявт цётавксокс кармась экспортертнэнь туртов институциональной вадря средань теемась. «Российский экспортный центр «Акционерной Обществанть ды региононь промышленностень, наукань ды од […]

Россиянь МЧС-нь важодицятне ютавтыть профилактикань рейдт Мордовиянь буетнесэ. Мероприятиятнень лувсо эрицятненень ледстнить республикасонть кирвазематнень а нолдамонь башка лувдонть. Специалисттнэ ёвтнить эрицятненень коське тикшень паломань зыянтнэде ды  ёвтнить кудонь азортнэнень электропроводканть мельга ванномань эрявиксчиденть. Кудонь азортнэнень максовить конёвт эрявикс информация марто.

Владимир Путинонь  кяденц алда лиссь «О поощрении» распоряжениясь. Мордовияста тонафтыти  и водительти максф Россиянь Президентть Владимир Путинонь благодарностец. Образованияса сатфксонкса и лама киза седикс-ваймокс покодеманкса отмечаф Кемлянскяй школань физикань учительсь Зинаида Терешина. Трудовой сатфксонкса Благодарность стане жа азф «Управления механизации и нулевых работань» водительти Александр Декасовонди.

«Вирень-арт» раськень промыслань фестивалентень, конань аноксты П.Г. Смидович Лемсэ Мордовиянь государственной заповедникесь, совавтозь аволь ансяк анок теевкстнэнь ярмункась, конатнень теизь декоративно-прикладной искусствань ды художественной ремеслань мастертнэ. Инжетне содавтовить эксклюзивной сувенирэнь теемань кой-кона салавачитнень марто, истяжо сыненст мереви рамамс эсь кедьсэ теезь лия ёнов а молиця курмот-кармот, варчамс раськень ярсамопельть. Кинь ули мелезэ, мереви ютавтомс апак […]

Мордовиянь Прявтось Артём Здунов ютавтсь важодемань промкс ведень объекттнэсэ эйкакштнень укшномантень ды ведь лангсо прянь ветямонь тонавтомань кевкстематнень коряс. Эйсэнзэ ульнесть министратнень кабинетэнь члентнэ, истя жо од ломанень блоконтень совицятне. Прявт пачтямо марто кортась Мордовия Республикань ВОСВОД-нь Председателесь Валерий Евдокимов. Тешкстазель, республикасонть ванстови эйкакштнень ведь лангсо укшномань ды прянь ветямонь ёрокчитненень а сатышка анокстамонь стакачись. […]

Мордовиясто Иван Неккоев кемекстызе Россиянь чемпиононь лементь. Кода пачти региононь спортонь министерствась, спортсменэсь изнизе греко-римской бороцямонь коряс Россиянь чемпионатонть беряньстэ мариця спортсментнэнь ютксо, конась ютась Калининградсо. Сурдлимпийской ды паралимпийской резервань региононь спортивно-адаптивной куншкакуронь трявксось пелькстась  72 килограмс сталмонь категориясо. «Коверонть лангс лиснесть 66 бороцицят 25 регионтнэстэ, ансяк минек спортсменэнтень вейкеть эзть муеве. Сон ютавтсь 4 […]