Author: Вайгель

«Известия Мордовия» газетать корреспондентоц, «Вайгель» радиопрограммань вятись Ольга Шабанова «СМИротворец» массовай информациянь средствань XVI Всероссийскяй конкурсть Приволжскяй федеральнай округонь Окружной этапонц сяськиензон ёткса. Зрнясь «Семейные традиции народов России» номинацияса. «Печать» номинацияса сон газетать нинге фкя корреспондентонц Валентин Пиняевонь мархта сатозь 3-це вастть. Поздравляндасаськ синь.

Саран ошсо юты «Соотечественники» фестивалесь. Кода пачтить республикань культурань министерствасто, Мордовиянь прявт ошов сыть Россиянь, Армениянь ды Белоруссиянь коллективтне. «Соотечественники» раськеютконь театратнень ХVIII-це фестивалесь юты Саран ошсо ожоковонь 25-це- 31-це читнестэ. Весе спектаклятне, меельцеденть башка, ютыть Рузонь драмань театрань сценанть лангсо. Ожоковонь 31-це чистэ театрань вечкицятнень учи И.М. Яушев лемсэ оперань ды балетэнь театрась.

Ожоковонь 5-це чистэ Инсар леенть чиресэ ютавтови сёксень гастро-фестиваль. Саран ошонь эрицятнень ды инжетнень туртов анокставить тантей ярсамопельть, мастер- класст ды ламо мезе лия. Фестивалень программасонть кармить невтезь ошонь сехте содавикс ярсамо таркатне. Сынь каванясызь пурнавозетнень тантей ярсамопельсэ, студентэнь куротне невтьсызь эсь раськень ярсамопелест. Теде башка, карми важодеме найман, косо мереви рамамс мельстуиця ярсамопеленть. Ушодови […]

Таштамковонь 28-це чистэ Атюрьевань буесэ Виндреень лесничествань территориясо «Ванстсынек виренть» весероссиянь акциянь 5-це сезононть лувсо озавтсть видстьстэ ансяк лисезь 8 тежат чувтынеть. Мероприятиясь тагояк вейсэндинзе власьтень органтнэнь, общественниктнень, школань лесничествань тонавтницятнень ды студенттнэнь. Васенцеде акциясонть невтизь пряст эйдень кужотнень трявкстнэ. Весень туртов анокстазельть концертэнь программа, мокшонь пачат, пси чай пряка марто, живописень ды декоративно-прикладной искусствань […]

Мордовиясто войнань специальной операциянь ветерантнэнь фотографияст марто невтемась панжовсь таштамковонь 30-це чистэ общественной лездамонь региононь штабсо. Сонзэ пурныцякс-теицякс кармась «Волонтеры Победы» молемась «Защитники Отечества» фондонть лезксэнзэ вельде. Невтемань панжоманть сюлмизь ДНР-ть, ЛНР-ть, Запорожьянь ды Херсононь ёнкстнэнь Россиянтень вейсэндявомань чинть марто. Фотопроектэнтень совасть Мордовиясто СВО-нь 8 откерть. Сынст ютксо – фронтонь медикть, офицерт, рядовойть. Весе сеть, […]

Кода мерсть Мордовясо книгань издательствасо, келень материалось кочкавсь сень коряс, кода сонзэ эйсэ кортыть неень шкань алкуксонь эрямосонть. Те валкссонть максозь сеть валтнэ, конатнесэ эрзятне кортыть кудосо ды ялгаст ютксо. Сон совавты истят разделт кода: содавиксэкс теевемась, ильтямось, пертьпельксэсь, морга экшсэ, лавкасо, кудораське ды исят седе тов. Келенть марто сюлмазь материалонть пурнась ды макссь аудикнигантень […]

Таштамковонь 27-це чистэ Мордовиянь Прявтось Артём Здунов ды региононь делегациясь бизнес-миссиянть лувсо ульнесть Китаень Аньхой провинциясонть. Аньхой – те металлургиянь, автомобилестроениянь, фармацевтикань ды туризмань покш куншкакуро, косо эрить 60 млн-до  ламо ломанть. Сон – Китайсэ ашти васенце таркасо промышленной производствань касоманть коряс. Тешкстасынек, Мордовиянть ды Аньхойенть 2016 иестэнть саезь сюлми вейсэнь тевдеемадо вейсладямось. Мордовиянь делегациянть […]

Таштамковонь 21-це чистэ «Шумбрат» раськень культурань фестиваленть келейстэ тешкстызь Челяба ёнксонь Троицк ошсо. Эряви меремс, кенярксось региононть туртов овсе  од. Ансяк васенцеде ютамонть лангс апак вано, фестивалесь вечкевсь тосонь эрицятненень ды сонзэ инжетненень, конатнень туртов анокстазель культурань сюпав программа. Сынст икеле морасть Челябань Троицкой, Варненской ды Чесменской буетнестэ коллективтне. Кенярдовтызь эсь шкинемасост Мордовияньгак артисттнэ. Истяжо […]

Россиянь Кубкань 9-це эскельксэсь ютась Москов ошсо Марьинский велодромсо. Велоспортонь коряс Олимпийской резервень спортонь школань трявксось Александр Катышев невтсь сехте вадря цётамо хроногонкасо ды ВМХ-суперкроссо. Сиянть ды бронзанть саизь Никита Ермаков ды Егор Тоянов москвичтне. Мордовиянь тейтертнень ютксо сехте вадря цётамо невтсь Светлана Адмакина. Сон кармась колмоцекс. Васенцекс ды омбоцекс састь москвичкатне Ярослава Бондаренко ды […]

Вастовомась ютась Республикань Кудосо. Тосо кортазельть коррупция марто сюлмазь коламотнень кувалт кевкстематне. Сень ланга, мезе эряви содамс седе домкасто коррупциядонть ды кода а манявомс поставщикень (эрьва кодамо товаронь пачтиця) марто важодемстэ ёвтнесь Мордовия Республикасо Закупкань пурнамонь-теемань куншкакуронь прявтось Екатерина Сотова. Истя, ютазь иенть перть центрась ютавтсь 4,6 тежат закупка ланга цётамо. Весемезэ поставщиктнень пельде яволявкстнэде […]