ЛОДЫРЕВТНЕ ИЗНЯСТЬ «СЕМЬЯ ГОДА» ПЕЛЬКСТАМОСОНТЬ

Московсо «Россия» раськень куншкакуросо ютась «Иень кудораське» весероссиянь пелькстамосо изницятнень каземась. 2025-це иестэ пелькстамось ютась кеменцеде! Эйсэнзэ пелькстасть малав 11 тёжат семият. Пелькстамонь оргкомитетс масторонь весе ужинетнестэ  кучозельть 460 яволявтомат. «Семья года» Весероссиянь пелькстамосонть изнясть россиянь 89 семият, сынст ютксо «Многодетная семья» номинациясонть – 22 семият, «Молодая семья» номинациясонть – 10 семият, «Сельская семья» номинациясонть – 14 семият, «Золотая семья» номинациясонть – 8 семият, «Семья – хранитель традиций» номинациясонть – 20 семият, «Семья защитника Отечества» номинациясонть – 15 семият. «Сельская семья» номинациясонть изницятнень ютксто вейкекс кармась Мордовиянь Зубово-Полянской райононь Од Потьма велестэ Николай ды Наталья Лодыревтнень семиясь. Сынь вечкемасо ды вейке- вейкенень кемемасо эрить 25 иеть, кастыть вете эйкакшт. Николай Николаевич-крестьянонь-фермерэнь хозяйствань прявт. Семиянь КФХ-сонть нолдыть ловсо,  велькс, ой, топо. Хозяйствасонть  тевтнень лезды ветямс весе покш ды ояксчисэ эриця семиясь.