«Каменка» пандо прясто сокссо ардтнемань куншкакуронтень ушодсь ардтнеме автобус Саранскойстэ
Опубликовано Вайгель - 25.01.2024
Семиятнень туртов оймсема таркантень общественной транспортсо карми меревеме пачкодемс колмоксть таргонтень – середасто, пецясто ды недлячистэ. Мордовиянь прявт ошсто автобусось карми сыргамо кемколмово часто «Саранск» инжекудонть вакссто. Мекев «Каменкасто» – комсь вейке чассто.
Автобусось кельгсти комсь ломанть, секскак, бути ули меленк тов пачкодемс, эряви икелепелев пештямс анкета сайтсэ.
Ледстясынек, «Каменка» пандо прясто ардтнемань куншкакуросонть ули весемесь мельстуиця оймсеманть туртов: сокссо ды тюбингсэ ардтнеманть туртов кить, инжекудо ды кемкотово кудынеть, косо мереви оймсемс ардтнематнеде мейле, ярсамо тарка, баня ды спортонь площадкат.
Тедеде «Каменкасо» панжовсь оймсемань-юткошкань ютавтомань куншкакуро. Тесэ инжетнень учи анимация ды тематикань чокшнеть.
