Саранскоень ваныцятненень мереви максомс эсь вайгелест иень театранть, сезононь премьеранть ды сехте паро артистэнть кис

Даволковонь 7-це чистэнть саезь 11-це чис Мордовиясо юты «Театральная неделя» 2023-це иенть перть невтезь театрань сехте паро путоматнень-театрань искусствань коряс Республикань Прявтонть премиянь саеманть лангс номинантнэнь ютксо фестивалесь-пелькстамось. Эйсэнзэ онкстыть виесть од невтематне, конатне путозельть 2023-це иестэ.

Эряви меремс, тедеде «Театрань таргось» юты кеменцеде.

Программантень совасть республикань государствань 5 театрань 6 путомат. Панжсы фестиваленть Мордовиянь Национальной драмань театрась «Побег из ада» Ине войнань шкатнестэ Советской Союзонь содавикс лётчикденть Михаил Девятаевде невтемась.

Экспертэнь советэсь кочки изницят кемень номинациява. Ютксост, саемга,  «Режиссеронь сехте паро важодемась», «Цера ломанень сехте паро роль», «Тейтерень сехте паро роль», «Някань путомасо художествань сехте вадря образось» ды лият.

Саранскоень ваныцятненень нейке мереви максомс эсь вайгеленть вечкевикс театранть, спектаклянть ды артисттнэнь кисэ. Тень теемс мереви даволковонь 12-це чинть самс Мордовия Республикасо Культурань, национальной политикань ды архивень тевтнень коряс министерствань сайтсэ ды сонзэ кулялопатнесэ социальной вейспурнакстнесэ.