Саранскойсэ юты Инечинь найман
Опубликовано Вайгель - 04.04.2023
Сон юты субутасто, чадыковонь 8-це чистэ. Республикасо Экономикань министерстванть валонзо коряс, ошсо, коенть коряс, наймантнэ кармить улеме ниле таркава: Ботевградская куросонть – Полежаевень куронть эйстэ саезь Васенконь куронть видьс, Октябрянь 60 иень проспектсэ – Веселовскоень куронть эйстэ саезь Веденяпинтнэнь куронть видьс, Ульяновонь куросонть – Энгельсэнь куронть эйстэ саезь Марина Расковань куронть видьс ды Октябрень 70 иень проспектсэ – Косаревень куростонть саезь Севастопольская куронть видьс.
Учови, питнетне наймансэ кармить седе вишкинеть лавканцетнень коряс. Истя, алтнэ питнест карми улеме 50 цел. кементнень кис, скал оенть – 550 цел. килограммонть кис, сыранть – 470 цел., саразонь сывеленть – 120 цел.
«Теде башка, наймансто ломантнень кармить усксеме питневтеме автобуст», – мерсть министерствасо.
Читать далее
