Саранскойсэ панжовсь фармацевтикань од производства

Тесэ кармить нолдавомо субстанцият лекарствань теемань туртов.

Кода мерсь Мордовиянь Прявтось Артём Здунов, регионсо фармацевтикань производствантень явить покш мель. Колмо ковдо седе икеле сон кортась «Биохимик» заводсо таблеткань теемань неень шкань производствань панжомадо. Артём Алексеевич валонзо коряс, те производствась – сехте покштнэнь ютксто вейкесь аволь ансяк Россиясо, мик Европасо.

Ды вана течи – од эскелькс. Панжови цех, косо кармить тееме 150 лем ало фармацевтикань субстанцият. Сынст ютксо – седеень-верьсанонь, онкологиянь, ВИЧ орматнень эйстэ субстанциятне.

Цехенть панжомадо икеле, препараттнэнь лангсо важодсть Россиянь ды Мордовиянь ученойтне.