Артём Здунов ютавтсь вастовома Мордовия Республикава внутренней тевень министранть марто

Мордовиянь Прявтось Артём Здунов ожоковонь 10-це чистэ ютавтсь важодемань вастовома МР-ва внутренней тевень министранть Юрий Поляков марто. Кортавсть республикань властень органтнэнь региононь МВД-нь подразделениятнень марто вейсэнь важодемань кевкстематне Мордовиясо правопорядоконь топавтоманть ды правань коламотнень профилактиканть коряс. Полициянь генерал-майорось Юрий Поляков евтнесь республикань Прявтонтень те иень 9 ковтнень перть ведомствань важодемань невтевкстнэде, тешкстызе, Мордовиясо оперативной тевтне кадовить стабильноекс.
Вастовоманть лувсо истя жо кортасть зярыя программатнеде, конат аравтозь эрицятнень сэтьмечист топавтомантень.