С. Д. Эрьзянь лемсэ музеесь ютавты акция скульпторонть 145 иетненень

«Мой Эрьзя»- истямо лем ало акция социальной вейспурнавкстнэсэ юты сундерьковонь 8-це чистэ. Алтави сон ине скульпторонть, Степан Эрьзянь чачома чистэнзэ 145 иень топодемантень. Тень туртов,  ине скульпторонть чачома чистэнзэ, эряви путомс «Вконтакте», «Одноклассники», «Фэйсбук», «Инстраграмм», «Твиттер» ды «ТикТок» социальной кулялопатнесэ фотография /видео скульпторонть важодеманзо марто. Теде башка, мереви путомс фотография, конась парсте невти сень, мезесь сюлмавозь Степан Эрьзянь эрямонзо ды шкинеманзо марто. Фотографият, мелень коряс, мереви саемс С. Эрьзя лемсэ музеень сайтстэ — www.erzia-museum.ru (КОЛЛЕКЦИЯ/СТЕПАН ЭРЬЗЯ). Теде башка, илядо стувто фотографиятнень алов путомс сёрмадовкст, хэштегт- #МойЭрьзя ды #МойЭрьзя145. Ёвтазь теварсевксэнть прявт мелесь — содаст седе ламо ломанть ине скульптордонть. Ёвтнеде весенень Эрьзядо. Сехте паро публикациятне седе тов путовить музеень кулялопатнес.