Саранскяйса эсь концертонц няфтьсы Оренбургонь хорсь

Мордовиянь государственнай филармонияса 15-це майста ётай Оренбургонь народнай хорть концертоц. Пцтай кизонь ваймамада меле синь анокласть оцю тур Россиять пачк. Саранскяйсь васенце ошнень ёткса, коса ётай концертсна.
«Казакне» аф весть улендсть саранскяйнь сценаса. Тяда башка, Мордовиять тя хорть мархта сотнесазь раднянь соткст. Рузаевка аймаконь Левжа велень стирсь Юлия Учватова Гнесиныхнень лемса музыкальнай инситутть аделамда меле лама кизот морсесь Оренбургонь хорса.
Мордовиять пряошсонза РДК-ть сценаса Оренбургонь хорсь няфти программа, ков сувайхть морамань и кштимань инь цебярь номерхне. Эсост улихть элементт и историяста, и казаконь фольклорста, сире морот тяниень пингонь обработка мархта и лама лия.
«На земле Оренбургского мира» концертсь ули 15-це майста 6 частса илядь РДК-са.