Мордовиясо прядовить витемань тевтне

Те шкас видезь 75% весе паксятнень эйстэ. Сехте ламо сюро видсть Дубёнка ёнкссо. Прядовома лангсо видемань тевтне Атяшовань, Рузаевкань, Темниковань ды Краснослободской буетнесэ. Республикань кавксо ёнкстнэсэ видить ламбамо якстерькай. Пертьпельксэнть лангс апак ванно малав весе тевтне топавтовить шкастонзо. Ламбамо якстерькаесь видезь 8,8 тёжат гектарт  паксятнесэ. Кадошкинань, Рузаевкань ды Октябрьской буетнесэ прядызь лияназонь видеманть, Ичалкасо ды Атюрьевасо — рапсонь. Кемкавтово буетнесэ ушодсть видеме кукурузанть.