Ведь алга уемань Мордовиянь чемпионатсь и первенствась
Опубликовано Вайгель - 10.11.2023
6-це и 7-це ноябрьста Спортонь ведень видонь Дворецса ётасть ведь алга уемань Мордовиянь чемпионатсь и первенствась. Эсь вийснон спортсметтне няфнезь уемаса классическяй ластаса, дайвингса и акватлонса. Сембось ульсь сяда ветьгемонь ломань — тя «Старт» центрань, «Мордовия» спортивнай комплексонь и «Студенческий» бассейнань представительхне. Соревнованиятне отборочнайхть, синь итокснон коряс кочкави Мордовиянь сборнайсь, кона кармай няфтема регионтть сяда оцю пялькстоматнень эса.
Фотось: «Старт» спортонь куншкакуронь
