Мордовиянь школасо тонавтницятне изнясть «УНИКУМ» весе Россиянь вишка артыцятнень фестивальсэ

Мордовиянь школасо тонавтницятне изнясть «УНИКУМ» весе Россиянь вишка артыцятнень фестивальсэ. Региональной пелькссэнть эсь ёрокчист невтизь 59 тонавтницят Саран ошсто ды республикань буетнестэ. Весемезэ анокстазельть 66 шкинемань важодемат. Эйкакштнэ пелькстасть изобразительное искусство, декоративно- прикладной шкинема ды фотоискусство номинациятнесэ. Кевейкее важодематнестэ, конат  ютасть пелькстамонь омбоце этапс Московов, изницякс лиссть кавто. Неть- Софья Аверина, Саран ошонь 2-це художественной школань трявксось ды Диана Кондрашкина, Инсаронь эйкакшонь искусствань школасто.  Изницятнень казямост ютавтови Санкт- Петербург ошсо. Важодемаст невтевить Юсуповской дворецсэ, сундерьковонь  16-це- 19-це читнестэ.