Ушодовсь яволявксонь саемась «Диво России» пелькстамонтень

Опубликовано - 23.02.2021

Туристэнь видеопрезентациясо пелькстамо тердевить турбизнесэнь прянь невтицят, видеостудиянь, телевизионной весе организациятне, музейть, экопаркт ды лият. Яволявкст ды видеороликть учить эйзюрковонь 31-це чис. Пелькстамонь важодематне примавить видеороликень, фильмань, репортажень, видеоблогонь, слайд-шоунь форматсо. Весе сынь кармить невтезь туристтнэнень фестивалень эрьва кодамо видеоканалтнесэ.

Тенде башка, фестивалень теицятне тердить весень невтемс пря видеобрендингентень питневтеме тонавтнемасо. Интенсивтне кармить ютамо даволковонь 24-це, 25-це, 26-це читнестэ.

Седе домкасто пелькстамонть ланга – официальной сайтсэ.

Фото: www.дивороссии.рф/


Вайгель эфир по будням: с 7.00 до 7.30 – на эрзянском языке, с 7.30 до 8.00 – на мокшанском языке

Current track

Title

Artist