Мордовиясо пелькстыть МВД-сэ важодиця аватне

«Леди в погонах»- истямо лем марто пелькстамодо яволявтсь Мордовиянь келес Внутренней тевень министерствась. Эйсэнзэ эсь ёрокчист ды содамочист невтьсызь МВД-нь колоньгемень вейке мазыйкат. Пелькстамонь васенце этапось юты Вконтакте вейспурнавксонь МВД-нь кулялопасо. Максомс эсь вайгеленть мельстуиця внутренней тевень министерствасо важодицянть кис мереви даволговонь комсь кавксоце чинь вейксэ часос валске. Тешкстан, лововить ансяк вейспурнавкссос совицятнень вайгелест. Пелькстамонь омбоце этапонтень нолдавить ансяк вете мазыйкат, конат кочкить сехте ламо вайгельть. Сыненст эряви анокстамс видеовизитка эсь прядо ёвтнема марто, анокстамс ярсамопель ды невтемс ёрокчинть спортсо. «Леди в погонах» пелькстамонь финалось юты эйзюрковонь нилеце чистэ.

Фото: vk.com/mvdrm