Ульяновскойсэ ютась «Шумбрат» кенярксось

Опубликовано - 28.05.2024

Покшчинь тешкстамо таркакс кармась «Владимирский сад паркось». Эрьва иестэ «Шумбратось» вейсэнди Ульяновск ёнксонь тежат эрицят ды инжеть шабра регионтнестэ.

Парконь территориясонть сынст туртов важодсть эрзя-мокшонь буетнень подворияст, интерактивной кужот ды невтемат, конатнень ютксо литературань микрофон, косо ломантненень меревсь ловномс эрзянь ды мокшонь кельтнесэ произведеният, «Тюштянь налксемат», эрзя-мокшонь някань теемга мастер-класс.

«Шумбрат» кенярксонтень сакшнось Ульяновскоень прявтось Алексей Русских ды сынст ёнксонь эрзя-мокшонь национально-культурань автономиянь прявтось Владимир Софонов. Мордовиянть пельде тосо ульнесть Мордовия Республикасо Культурань, национальной политикань ды архивень тевтнень коряс министранть васенце полавтыцязо Алесандр Карьгин ды Мокшэрзянь раськенть регионъютконь вейсэндявксонь прявтось Юрий Мишанин.

Концертэнь программасо эсь шкинемаст невтизь Ульяновскоень ды Мордовиянь артисттнэ. Ютксост «Келу» фольклоронь ансамблясь, Карина Сергеева филармонинь морыцясь, «Варма» этно-арт-театрась.

Фотось: Татьяна Маторкина


Вайгель эфир по будням: с 7.00 до 7.30 – на эрзянском языке, с 7.30 до 8.00 – на мокшанском языке

Current track

Title

Artist