Темниковасо искусствань школась панжсынзе кенкшензэ умарьковсто

Неень шкасто тосо молить витнемань тевть «Культура» нацпроектэнь «Культурная среда» региононь проектэнть лувсо.

Эряви меремс, малав 1000 квадратонь метрат покшолмасо кавтоэтажсэ зданиянть умок эрявсь одкстомтомс. Витнемань тевтне ушодовсть те иень эйзюрковсто. Неень шкасто тосо полавтозь электропроводкась, путозть вальмань блокт, одкстомтозь лембень максомань системась, таркава витнезть киякстнэ. Арсематнень коряс, школась панжсынзе кенкшензэ те иень умарьковсто.

Ледстясынек, искусствань школань зданиясь теезель 1988-це иестэ. 2013-це иестэ искусствань школась вейсэндинзе музыкань ды художествань образованиятнень. Неень шкасто тосо тонавтнить 195 эйкакшт, топавтовить  профессиянь 25 программат, конатнень ютксо раськень инструментатне, фортепианось, морамось, живописесь ды декоративно-прикладной шкинемась.