Торбеевасо 1-це номер ало школась курок одкстоми
Опубликовано Вайгель - 13.02.2025
Витнемань тевтне кармить ютамо «Модернизация школьных систем образования» госпрограмманть потсо.
Даволковонь 10-це чистэнть саезь шкас полавтозель тонавтнемань лувось. Истя, витнемань тевтнень перть начальной школань класстнэ кармить тонавтнеме «Ромашка» эйдень кужосо, а ванна 5-11 классо тонавтницятне – Торбеевань 3-це школасонть.
Питне школань анокчинтень малавгалиця ремонтонтень макссь Торбеевань буень прявтось Сергей Шичкин. Башка тарка сон явсь эйкакштнэнь андомантень.
«Путтано ламо вийть ды тейтяно весе, штобу тонавтницятне парсте ярсавольть. Икеле минек учи ламо робота, ансяк кеман, вейсэ минь весе тейсынек», – мерсь Сергей Фёдорович.
Ледстясынек, школань зданиясь теезель 1976-це иестэ.
Фотось: Торбеевань администрациянь
