2025 –це иестэ саезь Мордовиясо тевс нолдави «Семейные ценности и инфраструктура культуры» федеральной проектэсь

Сонзэ юрсо паролгавтовить ды одолгавтовить библиотекат, кинонь ванома таркат, эйдень туртов артома школат, музейть ды театрат. Истя библиотекатнень туртов явозь-максозь 31 млн. целковойть. Маласо шкасто од лувсо кармить важодеме Покш Игнатовань центральной районной библиотекась, кона карми лемдязь «Умный ДОМ». Теньгушевской буень Барашевань библиотекась карми важодеме экологической лувсо «Книжный заповедник» лем ало. Уметонь библиотекасо, кона Зубово-Полянской районсо, курок карми ютамо важодемась неень шкань вешематнень коряс ды сон карми лемдязь «Шаг вперед». Весемезэ Мордовиясо кото иень перть «Культура» национальной проектэнть коряс полавтозь модельной стандартонть коряс 17 библиотекат.