Теньгушевасо панжовсь сыре ломантнень юткошкань ютавтома тарка

«Россиянь регионтнесэ сон кармась 200-цекс»,  — сермадсь эсензэ «Телеграм» каналсо Мордовиянь прявтось Артём Здунов. Эряви меремс, регионсо панжовить  сыре ломантнень туртов эште 9 ютко шкань ютавтома таркат.

Васенцекс ёвтазь теварсевксэнь топавтомантень кундасть Мордовиясо, Чувашиясо, Пензань ды Псковонь ёнкстнесэ. Васенцесь минек регионсо панжозель Дубёнкасо, седе тов — Рузаевкасо. Колмоце истямо таркась а умок ушодсь важодеме Атяшевасо ды вана ней — Теньгушевасо. Эйсэст сыре ломантне вейсэ кодыть кекшемань коцтт, пурныть лезэ СВО-со ушмантнэнь туртов, ютавтыть вастовомат од ломантнень марто. Истят куротнень анокстамось топавтови Россиянь социальной фондонь федеральной теварсевксэнть лувсо.