Мордовиса виияфтови ялга якамань туризмась
Опубликовано Вайгель - 02.10.2023
Мордовиянь Оцюнясь Артём Здунов ваймама шиттнень пингста покодсь Пятигорск ошса, тоса ётафтовсь «Больше, чем путешествие» Марнек Россиянь туристическяй слётсь. Башка мяль шарфтфоль «Развитие пешеходного туризма» проектть результатонзонды. Лятфтасаськ, што Мордовиясь сувась ялга якамань туризмать виияфнеманц коряс 22 пилотнай региоттнень лувксс. Сянь колга, кодама работа вятеви республикаса, азондсь мордовиняь оцюнясь Артём Здунов. Тяниень пингть регионцонк анокаф аф фкя пешеходнай маршрут, конат сотфт историческяй личносттнень мархта. РФ-нь Президентть Администрациянц Руководителенц васенце полафтыец Сергей Кириенко китькстазе, што Мордовиясь региоттнень — пешеходнай туризмать виияфнеманц коряс васенцетнень лувксса.
