Темнику аймакть пяльксоц сай кизоста сявомок ётай Саровти
Опубликовано Вайгель - 25.08.2021
Россиянь президентть мярьгоманц коряс 56 гектаронь модась кармай кандовома Нижегородскяй аймакти. Мордовия Республикань Правительствань вятить тевонзон тиисна Владимир Сидоров китькстазе, што Саровть келемоманц колга кизефкссь панжада нинге 2012-це кизоста сявомок.
«56 гектархне, конат ётайхть шабра регионти, аф нолдавихить тевс Мордовиянь экономикаса», — азозе Владимир Сидоров.
Россиянь, Мордовиянь и Нижегородскяй аймаконь Правительстватненди организационнай кизефкснень сёлгомаснонды максови пяле киза. Президентть Указоц сувай вийс сай кизонь 1-це январьста сявомок.
