Галина Куршева: «Кочкаматнень эса конкуренциясь щять кармай сембодонга серикс странаньконь инь од историянц эса»

Опубликовано - 25.08.2021

Мордовия Республикань Правительствать видеса гуманитарнай наукань НИИ-нь директорсь Галина Куршева азозень эсь мялензон-арьсеманзон Демократиянь прябалатнень исследованияснон коряс Фондть докладонц кувалма. Исследованиясь тифоль 2021-це кизонь кочкаматнень эса выдвижениянь пяльксть итогонзон коряс. Соцсеттнень эса авась сёрмадсь:

— Вов ни август ковть кучкац, и минь малаткшнетяма 19 сентябрьти, 2021-це кизонь Марстонь кочкамань шити. Россиянь народти сави примамс аф тёждя решения: кочкамат депутатт Государствань Думав, оцюнят региоттненди, аймаконь закононь максы собраниятненди депутатт и стак тов. Апак оцюлгофнек ули кода азомс: кочкамань тя циклась зайняй пяк оцю васта мастороньконь эряфса. Сонь коряванза полафкст сувафтовихть властень пцтай сембе серетнень эса.

А сяс малады кочкаматнень эса учеви пяк оцю конкуренция. Арьседа ва: аньцек Государствань Думати азсть мяль кочкавомс 6398 кандидат, политикань 14 партия эзда! Тяка пингть казяма пялькстома учсеви идеологиянь эрь нишать эсовок. Кепотьксонди, коммунистонь мяльхнень-арьсематнень кирдиснон инкса кармайхть пялькстома аф аньцек сембонди содаф КПРФ-сь, но и «Россиянь Коммунисттневок».

Мордовияса кочкамада ингольдень конкуренциясь учеви аф сяда ёмла. 48 васттнень лангс Госсобранияв тяряфты повомс 482 кандидат – эрь вастть инкса пялькстома кармай 10 ломань. Тяфта жа сатомшка пяк одкстоптовсть партиянь спискатневок.

Ня кочкаматнень эса конкуренциясь щять кармай сембодонга серикс странаньконь инь од историянц эса


Вайгель эфир по будням: с 7.00 до 7.30 – на эрзянском языке, с 7.30 до 8.00 – на мокшанском языке

Current track

Title

Artist